【白皮書、ETA、庇護政策及簽證申請拒絕均反映當局正逐步背棄承諾】

[andy0721]

【白皮書、ETA、庇護政策及簽證申請拒絕均反映當局正逐步背棄承諾】

喺過去呢幾個禮拜相信大家都收到好多唔同嘅消息，當中大家最關注嘅就係白皮書係咪會影響香港人取得定居嘅途徑。作為大多數以難民身份同大家留喺英國嘅香港人，我哋有首當其衝受到有關嘅「改革」方案影響嘅心理準備。從使身不由己，但係我哋仍然希望盡力去保守呢一個關乎超過十萬家庭去留嘅簽證政策。

呢段時間我哋一直未有公開評論白皮書，係因為我哋嘗試用更多時間了解，然後嘗試溝通。一方面避免誤解，另一方面亦都避免引起公眾不安。

- 喺政府最近回應我哋對於ETA成放學手足前往英國嘅障礙嘅反應可以睇到佢哋唔再著緊去保護捍衛人權而蒙受冤獄嘅香港人過新生活嘅權利。

- 鑄幣廠成為大使館一事可以睇到當局仍然短視去貪圖小額利益，出賣居民、背叛受中共迫害、屠殺嘅族群。

- 內政部最近積極拒絕香港尋求政治庇護者同有政治罪行記錄嘅簽證申請亦都同當局對於香港族群嘅承諾違背。

眼見我哋離散港人嘅聲音同埋過去香港所受嘅苦難似乎逐漸被國際社會遺忘，當中亦包括最唔應該遺忘呢件事嘅英國。如果大家想平安過度今次嘅風波就必須團結一致，整合在英港人嘅整體行動力，透過支持有組織嘅聯合行動提升香港族群係英國嘅政治影響力。

呢度有Hong Kong Watch聯署，睇清楚內容之後同意嘅話就簽咗佢！
https://docs.google.com/forms/d/e/1FAIp ... g/viewform

外國影響力登記計劃冇納入中國喺進階嘅級別，你話過份唔過份！聯署連結：https://petition.parliament.uk/petition ... s0qaqm-02Q

預計六月同七月都有幾頻密嘅集會，參與嘅人數同埋行動力都會直接反映我哋嘅政治影響力，喺呢個關鍵時刻我希望大家辛苦嘅都要繼續堅持出席。