追蹤黨媒: 騙徒做二房東

[emily]

大公報報道一個割韭菜新聞，騙徒A搵騙徒B周圍租樓做二房東，二房東向業主畀咗3個月按金就唔再交租，同時在小紅書冒充業主，租樓畀高才通同港漂生。

呢班人才唔識法律程序又唔睇合約，仲貪折扣預繳一年租金，結果畀晒錢發現冇屋住，成為任人宰割的韭菜。

但韭菜永遠唔嫌多，二房東唔止自己在小紅書招客，仲以高佣金招攬港漂生做代理人，靠佢哋向更多來港同胞推銷樓盤。

香港01報道其中一位代理在香港讀書，經常在小紅書炫耀大疊現金同名牌袋，一邊向同胞sell樓盤，一邊招攬同胞陪佢sell樓盤。

成班中國人瘋狂互割，最後150人被騙，每人損失10萬至20萬元不等，最終涉款1300萬港元。

#20250215