#陳仲衡法官
#20200307爆炸 #審訊 [86 / 75+25]
D1何(36), D2李(25), D3吳(27), D4張(29)
D5楊(28), D6張(24), D7何(23), D8周(25)
D1～D4 已還押逾59個月；D7 已還押逾35個月控罪1：D1~D7 串謀對訂明標的的爆炸的禁制
控罪2：D1~D7 串謀導致相當可能會危害生命或財產的爆炸（控罪1 的交替控罪）
控罪3：D2 作出一項或一連串傾向並意圖妨礙司法公正的作為
控罪4：D8 企圖製造炸藥
--------------
控方代表：外聘檢控官 #林芷瑩大律師 、#鄺潤雙大律師 、#雷明雋 高級檢控官 、#江華 檢控官
辯方代表：D1 #姚本成大律師，D2 #朱寶田大律師
D3 #梁耀煒大律師，D4 #張志輝大律師
D5 #陳偉彥大律師，D6 #林國輝大律師
D7 #郭憬憲大律師，D8 #麥健明大律師
========
[08:50] 開庭
陳官在陪審員未出庭前，宣佈不批准D3律師上星期五的申請，指示傳媒也不能報導有關內容。
D3案情
繼續傳召 PW49 偵緝警員8235 沈鴻源 作供辯方(D3)盤問上星期講到在記事冊的三段警誡口供，證人不同意在每次做完一段約50分鐘的警誡口供後，明知D3 疲倦，但仍然開始新一段，同意在途中無問被告是否需要休息；證人解釋警誡辭當中已經包括咗全部原素，佢可以選擇唔回答，不同意律師指警誡辭是不包括休息，律師指係刻意唔畀D3休息，目的係令D3屈服於證人對佢作出嘅威迫利誘，從而聽從於證人，在警誡供詞和錄影會員中作出指定嘅招認（唔同意）。
證人同意錄影會面係重要證據，答案係關鍵，疲倦會影響準確性；假設D3話疲倦，但認為自己情況合適，仍會繼續進行調查，因為案件有迫切性。律師指被告在3/7 23:40被拘捕，到3/8 08:xx 做第一次錄影會面，必定疲倦（唔同意）。
陳官
：呢條假設性問題。律師稱不是假設性問題，D3 在第二次錄影會面，實質講過疲倦，神情舉止已經顯示疲倦；證人不同意，並反駁D3 講因為長時間審問而疲倦，證人有澄清不是審問，得到D3 回答不是審問（暗示無咗審問就無疲倦），在律師追問下，證人同意澄清當中無眼瞓兩個字。律師指證人不斷澄清，直至D3同意講錯才停止，原因係驚被發現D3被打嚇氹（唔同意）。
在做完第二次錄影會面之後，只係俾咗35分鐘（10:35～11:10）給D3食飯和去廁所，係唔想再耽誤，因調查有迫切性，不同意知道D3好疲倦，不同意應該畀足夠時間休息，因為D3無表示需要休息，不同意在做錄影會面之前，無問過D3是否需要休息，律師指證人的口供和記事冊都無記載在錄影會面之前，有無問過D3，無可能在無任何文件協助之下，在五年之後會記得（唔同意）。
證人在主問時稱有問過D3關於法律代表的問題，律師指出係無問過，無任何文字紀錄協助之下，無可能在五年之後會記得（唔同意）。
律師指當時證人都疲倦，因為在睇CCTV截圖時，證人在不只一處講錯時間（唔同意），D3在其中一張圖稱估計係D1 何XX，證人寫咗五飛，證人唔同意係因為疲倦，律師指出證人係知道各人嘅真名、網名和花名，所以無跟D3嘅說話，寫咗心目中嘅答案落去。
3月8日12:37 去搜D3的家，母親在家，檢舉咗Lenovo電腦，有影相無拍片；D3攬住媽媽喊咗短時間，離開時叫媽媽搵律師（唔同意）。事實係做第四次錄影會面時有律師陪同，D3行駛緘默權，無嘢講。
律師指出辯方案情：2020年3月7日23:40，證人進入503室時見到D3已經被鎖上手銬，去到門口問控制D3嘅警員「呢個係吳XX啊？」，「係呀，硬淨㗎喎」。
以下情節，證人全部唔同意：
證人進行拘捕和警誡，換上證人的手銬，問D3：「呀X係嘛，有無偈傾先？」，D3無回應，「放心啦，我哋而家兩個傾嘅嘢，唔會落口供保住，傾好晒先寫」，「你哋搭咗我條女，傾咩啊？」，「你唔係我哋目標，我想要嘅係五飛同張XX」。
證人一邊望電話一邊問D3，「你係唔係夠鐘改名？1月25日上嚟做咩啊？拎個煎pan係咪整炸彈啊？」，D3否認，「上嚟處理豬嘴買賣」，再問「今日上嚟做咩？做咩唔走啊？留喺度做咩啊？」，D3「我而家等個女仔返嚟，俾返個篋錢我」，證人「你唔撚好扮嘢喎，入邊嗰個你條女呀，你都唔想佢有事㗎，不如同我合作，我轉你做污點，保證你同佢都無事」，D3「唔好攪佢」。
證人帶咗D3去503室左邊牆，證人就行咗去503室較入啲嘅位置，一段時間後證人行返去D3身邊，D6被帶出503室，當經過身邊時，D3大嗌「阿Sir，係咪我同你合作，就保證我女友無事？」，有警員立刻鬧D3，屌你老母，你咩身份，你有咩資格講嘢，有俾你講嘢咩。證人就問D3諗成點啊？D3「你想我點啊？」，證人話呢度唔方便講嘢，就帶咗D3去殘厠。
入咗殘廁之後，證人搜D3嘅身，要額頭貼牆，取出褲袋內嘅嘢放在廁板之上，解開手銬，將D3嘅左手鎖在牆上嘅扶手，D3面向馬桶，要D3跪低，證人將搜出嘅證物放入膠袋，拎咗出殘廁，之後返番入去。
證人開始問D3嘅案情，問九十二籤有咩人，在不同日子上嚟做咩？用“小草"做例子（石棺藏屍案的人物），氹D3轉做污點證人，說小草單嘢你聽過啦間，房入面發生過乜邊個知呀？佢都係咁甩身之嘛，間房入面又無cam又無錄音，幫我隊死五飛同張XX就得，咁我就幫你轉做污點證人。D3問邊個係五飛？證人「你係唔係玩嘢？上得嚟呢度都話唔識五飛？」，D3「係咪大角咀隻揪王？」，證人「咁咪即係識囉」。
再問識唔識不同人士嘅花名及人名，問D3係唔係夠鐘改名，D3否認，證人「你玩嘢啊」，D3「我上嚟係處理豬嘴買賣，本身以為拉我呢樣嘢，唔明點解問九十二籤」，證人「仲玩嘢，信唔信我搞埋你女友」，打咗D3一巴，用力撳D3個頭入馬桶沖水，D3「咁你想我點講呀，唔好搞佢，唔關佢事㗎，佢陪我上嚟咋」，證人就搵咗條毛巾俾D3抹面。
[10:30~10:56] 休庭
證人叫D3叻叻地寄晒佢「跟我意見寫就得，你負責搬炸彈」，D3「我要打電話聽到女友把聲，確認到佢安全，如果唔係我一隻字都唔寫」，證人「好撚串喎」，再撳D3個頭入馬桶沖水，D3依然拒絕寫，重複咗多次要打電話，證人打咗幾次電話俾同事，話條仔要打電話話要聽到女友把聲先肯合作，期間再撳多次D3個頭入馬桶沖水，隔咗一段時間證人個電話響，證人聽完之後就俾咗D3，叫講兩句好喇，D3「最緊要妳無事，佢哋叫妳講乜妳都跟住講」。
證人「快手錄埋啦，合作嘅話轉你做污點，坐少好多，電話都俾你打咗，肯合作啦」。問1月25號上去做咩，整炸彈啊？煎pan嗰啲係咪炸藥啊？D3否認。證人「你唔好要我再問多次，電話都俾你打埋啦，你而家想反口啊？」再將D3個頭撳落馬桶沖水，「係咪上嚟整炸彈？影住你同山雞上上落落喎」。
D3開始聽從，證人問遙控係咪張XX負責？CCTV影住山雞入咗明愛，房入面啲嘢無人知，將啲嘢推晒俾五飛同山雞咪得囉，你嗰日搬啲嘢煮好味？咪話我唔提你，煮好同未煮好差遠㗎。證人畀記事冊D3寫，在寫之前叫D3抹乾個頭，唔好整濕本簿，整濕你就大撚鑊，「你寫你負責搬材料，成品由五飛和山雞負責處理，電子器材又張XX負責」，將啲嘢推晒俾佢哋。
之後以一問一答方式在記事冊上寫警誡供辭：
Q1：你知唔知啲材料係咩？
D3 ：唔知，我真係唔知，你知唔知係咩呀，你講我寫。
證人撳完電話之後：嗰啲係糖同埋KNO3，D3照寫上去，寫完之後叫寫埋隻鑊落去，在隔離簽名。
Q2：叫D3回應成品係咩？叫答係炸彈
D3：channel 講係煙霧彈喎
證人：咁你寫煙霧彈囉，無分別
Q3：五飛同山雞，佢哋點處理
證人叫D3寫煮
Q4：電子器材係指咩？
證人叫寫係接收器，再寫目的，D3唔明點寫，叫寫點着炸彈，D3問寫點着煙霧彈得唔得？證人話OK。
Q5：邊個提議製造炸彈？
證人叫D3 隊死張XX
Q6：整埋有咩目的？
D3：Channel有寫迫醫護罷工
證人：寫迫醫護罷工得啦，唔使提Channel
Q7：邊個負責放置爆炸品？
D3：係咪寫山雞？
證人：係
Q8：邊個負責引爆爆炸品？
D3：唔知喎
證人：唔知都正常，咁你寫唔清楚
Q9：總共有咩人同本案有關？
D3：提返之前講嘅人名出嚟
證人：知唔知張XX嘅網名係咩？係西瓜刨高手，稱為西瓜。
當寫上五飛、山雞、西瓜之後，D3再問嗰個阿蕉有無份，證人就叫寫埋阿蕉。
在第二段警誡供辭之前，證人講呢條鬆俾你，直接唔認都得，唔好嘥時間喺呢度，寫此事完全與我無關，跟住簽名。寫完之後證人再講俾多個優惠你，將軍澳嗰條你唔錄都得，錄埋羅湖呢單就夠。
寫完警誡聲明之後，證人問2月1至2號上嚟做咩？係咪整炸彈，個背囊你同五飛落咗樓之後就無咗，入面嗰個係咪炸彈？
D3：我同你講入邊嗰個係豬嘴，你係唔係唔信啊？
證人：咁即係炸彈啦係就型啦，你在10樓與5樓之間拎住個白色嘢上上落落入面嗰啲係咪炸彈？
D3：係囉
證人：炸彈入面嗰個遙控，邊個放入去？
D3：我都無見過個遙控
證人：無遙控？無遙控個炸彈會識爆炸，阿蕉最後接收咗你個背囊，係咪佢放入去啊？
D3：係啦
證人：放個背囊放咗去邊？邊個交收？
D3：附近公園
證人：邊個公園呀？
D3：唔係好記得
證人：dead drop 呀
D3：咩呀？
證人：你都唔係專業，自己擺低俾人拎走啊，個公園咁大你擺邊個位？
D3：唔記得
證人：係咪廁所啊
D3：係啦
證人叫寫：我負責運送原材料和炸彈
D3：無遙控都叫炸彈？
證人：咁你寫半製成品囉，放於附近公園的廁格
第三段警誡供辭：
Q1：你所指嘅材料係咩？
D3：係咪寫頭先講嗰啲糖同KNO3就得
證人：另外一個你知唔知係咩？
D3：唔知
證人：咁你照寫其他不清楚
Q2：係邊個負責製造呢個爆炸品？
證人：有阿蕉同五飛在同房，你寫蕉負責
