//世界貿易組織（WTO）喺琴日（16號）裁定，中國對部分美國進口產品徵收的報復性額外關稅違反貿易規則。呢次爭端源於美國以國家安全為由，對進口鋼鐵同鋁徵收額外關稅，中國隨後反擊報復，對美國部分產品徵收額外關稅。
喺2018年嘅時候，時任美國總統特朗普政府曾根據1962年貿易擴展法第232條款對中國嘅鋼鐵同鋁製品加征10%至25%關稅。早前，WTO已經裁定美國呢個舉動違規，華盛頓亦已經提出上訴。而當時，中國都對生果、豬肉等128喺美國出口嘅產品加關稅以作回應，當然就避唔過WTO，喺琴日被裁定違規。
中方則強調其反制措施係維護自身合法權益，並要求美國取消早前相關措施。儘管中國可以對呢次WTO裁決上訴，但由於WTO上訴機構自2019年因美方阻撓新法官任命而無法運作，中國嘅上訴恐陷入僵局。中國商務部就此都喺11號嘅時候批評過美國：「作為被世貿組織成員發起爭端解決最多的成員，不僅選擇性執行世貿組織裁決，還『阻撓上訴機構成員遴選並導致其陷入癱瘓』，不僅『破壞多邊貿易體制』、操縱雙重標準，還擾亂全球產業鏈供應練。」//
———————————————
更多資訊，包括最新一期《自由港》請點擊以下連結
https://linktr.ee/HarbourofFreedom
捐款支持我們:
https://ko-fi.com/harbour_of_freedom
