第三名

[matrix]

今年芝加哥龍舟隊第一次齊人落船，就係比賽當日！真係估唔到，我哋可以喺30隊入面攞到第三名，成功打入Dragon Division甲組賽事，攞到銅牌。頭兩隊基本上全年都有恆常練習，唔似我哋呢隊純業餘性質嘅隊伍，所以呢個成績真係難能可貴，值得大家引以為傲！香港人，加油！無論身在何方，我哋都可以一齊撐起屬於我哋嘅光與熱！

好似往年咁，今年組隊過程同樣唔簡單：中途有人退出、要搵鼓手，甚至女隊員人數都差啲先夠大會最低要求。特別想多謝副隊長@Lo_Ding統籌各項細節，仲@swoo852臨危受命，頂上做鼓手，令隊伍最終能夠順利出戰，並且取得咁犀利嘅成績。

希望大家幫手向身邊親朋好友宣傳我哋芝加哥龍舟隊，比賽日通常係六月最後一個星期六，練習時間包括比賽前一晚（星期五）嘅傍晚，加埋三至四次喺五月至六月之間嘅星期日練習。報名詳情會喺下年四月透過「芝加哥香港人」各大社交媒體平台公布。