列斯手足連線 YouTube 頻道喺中國國慶前夕被刪除
發表於 : 週二 10月 01, 2024 10:21 pm
列斯手足連線 YouTube 頻道喺中國國慶前夕被刪除
英國時間2024年9月30日，喺中國國慶即將來臨之際，列斯手足連線喺毫無預警嘅情況下，被知會我哋嘅YouTube頻道已經被刪除。 我哋對YouTube 呢個舉動表示非常不滿同憤怒。
YouTube聲稱我哋嘅頻道違反咗《垃圾內容、欺詐行為和詐騙政策》。然而，我哋嘅影片內容全部都係有關香港民主運動，亦有採訪今屆英國選舉候選人。 呢啲影片根本同垃圾內容、欺詐或者詐騙難以扯上關係。
列斯手足連線對YouTube刪除頻道嘅時間正正喺中國國慶嘅前一日呢一點表示質疑，呢件事嘅意圖不言而喻。 此舉不僅係剝奪我哋嘅言論自由，亦揭露YouTube甘心成為中共打壓異見人士嘅工具。
列斯手足連線在此向YouTube 管理層表達抗議及提出上訴，並要求管理層立即回應以及處理以下要求：
1. 詳細說明判定我哋嘅內容違反《垃圾內容、欺詐行為和詐騙政策》嘅理據，並具體指出邊一段影片嘅邊一項內容被認定為違規。
2. 提供有關投訴嘅詳細信息，包括投訴人數、投訴時間以及投訴內容等。
3. 立即恢復本組織嘅頻道，並為此次錯誤判定作出道歉。
作為香港人權倡議組織，我哋長期面對跨境打壓，承受一個又一個嘅威脅，彷彿已經成為常態。 即使今次嘅事件並非預料之外，但對於YouTube淪為中共政治打壓嘅工具我哋深感失望。
即使係咁，今次嘅事件並唔會令我哋有所卻步。 我哋拒絕噤聲，拒絕打壓。作為面對高牆嘅雞蛋，退縮從來都唔係我哋嘅選擇。中共唔敢公開辯論，反而選擇暗地裏做出小動作，去試圖抹去反對嘅聲音，呢個唔止係懦夫行為，更加突顯佢哋對真相嘅恐懼！
正因如此，我哋更加要堅持自己嘅立場，捍衛真相。面對打壓，我哋無畏無懼。
列斯手足連線
Bio: https://linktr.ee/hkersinleeds
英國時間2024年9月30日，喺中國國慶即將來臨之際，列斯手足連線喺毫無預警嘅情況下，被知會我哋嘅YouTube頻道已經被刪除。 我哋對YouTube 呢個舉動表示非常不滿同憤怒。
YouTube聲稱我哋嘅頻道違反咗《垃圾內容、欺詐行為和詐騙政策》。然而，我哋嘅影片內容全部都係有關香港民主運動，亦有採訪今屆英國選舉候選人。 呢啲影片根本同垃圾內容、欺詐或者詐騙難以扯上關係。
列斯手足連線對YouTube刪除頻道嘅時間正正喺中國國慶嘅前一日呢一點表示質疑，呢件事嘅意圖不言而喻。 此舉不僅係剝奪我哋嘅言論自由，亦揭露YouTube甘心成為中共打壓異見人士嘅工具。
列斯手足連線在此向YouTube 管理層表達抗議及提出上訴，並要求管理層立即回應以及處理以下要求：
1. 詳細說明判定我哋嘅內容違反《垃圾內容、欺詐行為和詐騙政策》嘅理據，並具體指出邊一段影片嘅邊一項內容被認定為違規。
2. 提供有關投訴嘅詳細信息，包括投訴人數、投訴時間以及投訴內容等。
3. 立即恢復本組織嘅頻道，並為此次錯誤判定作出道歉。
作為香港人權倡議組織，我哋長期面對跨境打壓，承受一個又一個嘅威脅，彷彿已經成為常態。 即使今次嘅事件並非預料之外，但對於YouTube淪為中共政治打壓嘅工具我哋深感失望。
即使係咁，今次嘅事件並唔會令我哋有所卻步。 我哋拒絕噤聲，拒絕打壓。作為面對高牆嘅雞蛋，退縮從來都唔係我哋嘅選擇。中共唔敢公開辯論，反而選擇暗地裏做出小動作，去試圖抹去反對嘅聲音，呢個唔止係懦夫行為，更加突顯佢哋對真相嘅恐懼！
正因如此，我哋更加要堅持自己嘅立場，捍衛真相。面對打壓，我哋無畏無懼。
列斯手足連線
Bio: https://linktr.ee/hkersinleeds