關於 袁弓夷提倡「香港議會」嘅疑問同理解

[emily]

關於 袁弓夷提倡「香港議會」嘅疑問同理解

全文在Facebook


被香港政府沿途通緝嘅「香港議會」倡議人 袁弓夷 日前蒞臨英國，向喺英國嘅香港人推銷「香港議會」選舉辦法。喺取得海外港人嘅信任同支持之前，有前區議員表達咗反對意見同負面觀感，而多個香港民主派重量級人物，以及香港人權團體並未有支持呢個計劃。除非袁先生同佢嘅團隊解決以下問題，否則計劃好有可能失敗告終。

問題一：籌委會權力來源出自邊度？籌備委員會至今尚未得到任何前區議員、前立法會議員，甚至是一位民主派資深重量級人物的支持。同時，籌委會冇辦法喺香港同分布世界各地香港僑民建立良好溝通渠道，並在國際舞台上代表他們發聲。

問題二：為何要建立「議會」？代議制民主喺僑民同流亡群體當中發揮到幾大作用？為何唔係持份者嘅參與審議式民意調查，甚至直接民主？即使要建立海外港人代議制度，為何要選擇「議會」，而唔係「總統制」？而目前籌委會提倡全球不分區嘅選舉制度，候選人如何組建政黨/聯盟？籌備議會或者流亡政府之前，宜有更多諮詢同討論機會。

問題四：呢個「議會」的功能係乜？如果這個「議會」嘅目標是推翻中共，咁樣對海內外嘅香港人有咩意義？比較理想情況下，推翻中共就等於可以讓在外嘅香港人安全回家。然而「香港議會」嘅進程如何達到呢個目標？目前仍然係空白。

問題五：呢個「議會」可以點樣生存？言論廉價，實際行動方為關鍵。迄今為止，尚未有財務計劃去支持呢個機構運作。大多數流亡政府嘅財源來自僑民稅收、外國政府協助同埋接待國嘅補助。筆者所見，英美澳加等國未見開綠燈，允許「香港流亡政府」或者「香港（流亡）議會」在國土內設立總部。

如果袁及其團隊真係想讓「議會」運作，除了創始人嘅信譽和立場外，必須建設性回答這些問題。此外，應該製作一份諮詢文件，紙上談兵不足以解決問題。

袁及其團隊的香港議會願景有價值，但筆者更希望佢哋對選舉、政治有更深了解，並接納於香港民主路上多元嘅意見。

原圖：銀河聯邦議會@巴斯光年的星際使命
（插圖後記：選舉公正？唔使啦，總之人多就事成！分咩吖，籌委會、準參選人坐埋一台，大家合體Super！）